Հայաստանի նախագահ Սերժ Սարգսյանի նստավայրում մայիսի 26-ին տեղի է ունեցել նախագահի՝ 2016 թվականին մատուցած ծառայությունների համար մրցանակներ հանձնելու պաշտոնական արարողությունը։
2016 թվականին ՀՀ նախագահի մրցանակին են արժանացել Բագրատ Էստուկյանը (Թուրքիա)՝ Ստամբուլի «Ակոս» հայկական պարբերականում Հայոց ցեղասպանության հարցը մշտապես բարձրացնելու համար, Հանս-Լուկաս Քիզերը (Շվեյցարիա)՝ Հայոց ցեղասպանության պատմության ուսումնասիրության հարցում ծանրակշիռ վաստակի համար։ Տեխնիկական գիտությունների եւ տեղեկատվական տեխնոլոգիաների ոլորտում Հայաստանի նախագահի մրցանակին են արժանացել Գեւորգ Բաղդասրայանն ու Մարինե Միքիլյանը (Հայաստան), գրականության ոլորտում՝ Ղուկաս Սիրունյանը (Հայաստան)։ Բնական գիտությունների, արվեստի, բժշկության, ֆիզիկայի եւ հումանիտար գիտությունների զարգացման ոլորտում նախագահը մրցանակներ չի հանձնել։
Նշենք, որ Հայաստանի նախագահի մրցանակի հովանավորն է Պողոսյան հիմնադրամը (Բելգիա-Շվեյցարիա), որի հիմնադիր-ղեկավարներն են Ժան Պողոսյանն ու Ալբերտ Պողոսյանը։