Շրի Լանկայում ջրհեղեղների հետեւանքով զոհվածների թիվը հասել է 146-ի, եւս 112 մարդ անհետ կորած է համարվում, հայտնում է Ֆրանս փրեսը։
Մինչ այդ հայտնել էին 122 զոհերի ու 97 անհետ կորածների մասին։ Մոտ 500 հազար մարդ է տարհանվել։
Տարերային աղետների դեմ պայքարի կենտրոնի տվյալներով, մոտ երկու հազար տուն է վնասվել կամ ամբողջովին ավիրվել։ Նշում են, որ որոշ ժամանակ անձրեւները դադարել են, ինչը իշխանություններին թույլ է տվել առաջին անհրաժեշտության ապրանքներ հասցնել այն մարդկանց, ովքեր զրկվել են իրենց ունեցվածքից։
Սակայն մայրաքաղաքից հարավ գտնվող բազմաթիվ գյուղերում իրավիճակը դեռ չի փոխվել։