Արարատի մարզում, այսօր՝ մայիսի 28-ին, խոշոր ավտովթար է տեղի ունեցել. ժամը 15:00-ի սահմաններում Mercedes մակնիշի 34 AԼ 161 համարանիշի ավտոմեքենան Երևան-Մեղրի ավտոճանապարհի Հովտաշեն գյուղի վարչական տարածքում դուրս է եկել ճանապարհի երթևեկելի գոտուց և մխրճվել ճանապարհի հսկայական ցուցանակի մեջ:

Shamshyan.com-ի  փոխանցմամբ, վթարի հետևանքով վարորդն ու ուղևորը քաղաքացիների օգնությամբ դուրս են բերվել ավտոմեքենայից և տեղափոխվել Էրեբունի բժշկական կենտրոն:

Վիրավորներին ավտոմեքենայից դուրս են բերել վթարի հարևանությամբ գտնվող գարեջրատան աշխատակիցները, իսկ վարորդին՝ Արտաշատի հրշեջ- փրկարարները: Նրանք նաև օգնել են փրկարարներին, որոնք մեծ դժվարությամբ ավտոմեքենան առանձնացրել են ցուցանակից:

Վիրավորներն են Դավիթ Խ,-ն եւ Սերգեյ Խ.-ն, որոնք հարազատ եղբայրներ են, իսկ նրանց հայրը Դիմիտրով գյուղի նախկին գյուղապետ Լյուդվիգ Խլղաթյանն է: