«Նուբարաշեն» քրեակատարողական հիմնարկում գտնվող դատապարտյալ Լյուդվիգ Հովհաննիսյանը դադարեցրել է երեք օր տեւած հացադուլը: Այս մասին այսօր՝ մայիսի 29-ին, NEWS.am-ի հետ զրույցում ասաց ԱՆ ՔԿՎ հանրային կապերի բաժնի պետ Գոռ Ղլեչյանը:
Լյուդվիգ Հովհաննիսյանի հարազատներն ահազանգել էին, որ նա լուրջ առողջական խնդիրներ ունի, նրան ստացիոնար բուժում է հարկավոր, որը չի իրականացվում: Նրանց խոսքով, դատապարտայլի առողջական խնդիրներն ու հացադուլն անհամատեղելի են:
Լյուդվիգ Հովհաննիսյանը հացադուլ էր սկսել, երբ առանց անհրաժեշտ հետազոտությունների իրեն «Դատապարտյալների հիվանդանոց»-ից տեղափոխել էին «Նուբարաշեն» ՔԿՀ:
