Ճապոնական Toyota Motor ընկերության Lexus ստորաբաժանումը մտադիր է այդ մակնիշի ավտոմեքենաների արտադրման մեջ կիրառվող տեխնոլոգիայով զբոսանավեր արտադրել, հաղորդում է «ՏԱՍՍ»-ը։
Տոկիոյի միջոցառմանը ներկայացվել է նոր նավի փոքրիկ նախատիպը։ 13 մետր երկարությամբ, ֆուտուրիստական եզրագծով Lexus Sport Yacht զբոսանավում կարող է 8 մարդ տեղավորվել։ Սպորտային կուպեներում օգտագործվող երկու հինգ լիտրանոց շարժիչները զբոսանավին թույլ կտան օվկիանոսի մակերեւույթին տեղաշարժվել 80 կմ/ժ արագությամբ։
Lexus-ը շուկային կառաջարկի 18 մետր երկարությմաբ զբոսանավեր։ Բացառված չէ, որ ստորաբաժանումը անհատական պատվերներ եւս կընդունի։