Մայիսի 18-ի երեկոյան ոստիկանության պարեկապահակային գնդի աշխատակիցները ահազանգ են ստացել, որ Երեւանի Խանջյան փողոցում Մանկավարժական համալսարանի մոտ վիճաբանություն է տեղի ունենում:
Նրանք մոտեցել են այդ վայրին, փորձել են հանդարտեցնել վիճողներին, սակայն վերջիններս սկսել են քաշքշել ու հարվածել ոստիկաններին:
Պարզվել է, որ վիճաբանող տղամարդիկ հարբած են եղել, նրանց ոստիկանական լրացուցիչ ուժերի օժանդակությամբ բերման են ենթարկել ոստիկանության բաժին:
Ալկոհոլի ազդեցության տակ գտնվող 20-ամյա Հարություն Ե.-ն, 36-ամյա Արման Կ-ն, 37-ամյա Մերուժան Մ.-ն, 39-ամյա Հովհաննես Ա.-ն, 46-ամյա Մհեր Ա.-ն ներկայացրել են վիճաբանության մանրամասները:
Նրանցից Արման Կ.-ն, Մհեր Ա.-ն եւ Հովհաննես Ա.-ն կալանավորվել են:
