Ամերիկյան հետազոտողները մշակել են նեյրոցանց, որն ունակ է սոցցանցերի գրառումների ու լայքերի միջոցով բարձր ճշգրտությամբ պարզել ,արդյոք Facebook-ի այս կամ այն օգտատերը տառապում է թմրամոլությունից կամ հարբեցողությունից։
Գիտնականները այդ նպատակով կիրառել են մեքենայի ուսուցման ալգորիթմը, որը մարզված էր 2007-2012 թթ․ myPersonality հոգեբանական թեստերի հավելվածով հավաքված տվյալների երեք բազայի հիման վրա։
Ալգորիթմի փորձարկումները ցույց են տվել, որ մարզված նեյրոցանցը կարողանում էր վստահաբար զանազանել օգտատիրոջ մոտ վնասակար սովորությունների առկայությունը։ Օրինակ ծխելու հավանականությունը որոշվում էր 86 տոկոս ճշգրտությամբ, իսկ թմադեղերի ու ոգելիցի գործածման հավանականությունը՝ 84 ու 81 տոկոս հավանականությամբ։
Ընդ որում հետազոտողները հայտնել են, որ գրառումների բովանդակության, օգտատերերի հետաքրքրությունների ու տարատեսակ կախումների միջեւ գոյություն ունի կապ։ Ալգորիթմի կիրառումը ցույց է տվել, որ խմող ու ծխող օգտատերերը ավելի հաճախ են գործածում շարժման հետ կապված բառեր՝ օրինակ «մեքենա» կամ «գնալ», իսկ ահա բարկության ու առողջության հետ առնչվող բառերի հաճախակի գործածումը հիմնականում կապակցված է եղել թմրադեղերի գործածման հետ։ Նաեւ հետազոտությունը ցույց է տվել, որ խմող օգտատերերը սիրում են «V – ն նշանակում է վենդետա» ֆիլմը, իսկ թմրամոլները լսում են Radiohead, The Cure եւ Depeche Mode խմբերի երգերը ։