News
Լրահոս
News
Երեքշաբթի
Ապրիլ 23
Տեսնել լրահոսը

Հրազդանում, հունիսի 8-ին, մահվան ելքով վրաերթ կատարած վարորդի ինքնությունը պարզվեց. Նա քաղաքապետ Արամ Դանիելյանի 17-ամյա որդին է:

Այս առնչությամբ, ոստիկանությունից NEWS.am-ին հայտնում են, որ հունիսի 8-ին, ժամը 12.30-ին, ոստիկանության Հրազդանի բաժնում հաղորդում է ստացվել, որ վրաերթի հետևանքով անգիտակից վիճակում հիվանդանոց է տեղափոխվել 1959 թ. ծնված Վալերի Թորոսյանը, որը  գիտակցության չգալով՝ մահացել է:

«Մեկնել է օպերատիվ խումբ, որտեղ դեպքի վայր է ներկայացել 32-ամյա տղամարդ և ըստ իր խոսքերի, նույն օրը, ժամը 12.20-ի սահմաններում, իր կողմից վարած «Նիսսան Տիանա» մակնիշի ավտոմեքենայով Քաղսի գյուղից Հրազդան տանող ճանապարհին` Շահումյան փողոցում, նախկին «Կաթի գործարան»-ի հարևանությամբ, վրաերթի է ենթարկել Վ. Թորոսյանին:

Ձեռնարկված օպերատիվ-հետախուզական միջոցառումների շնորհիվ տեղեկություն է ստացվել, որ Վ. Թորոսյանին վրաերթի ենթարկելու ժամանակ ղեկին եղել է ոչ թե ոստիկաններին ներկայացած 32-ամյա տղամարդը, այլ 17-ամյա երիտասարդ:

Բացատրական աշխատանքների շնորհիվ՝ երիտասարդը նույն օրը, ժամը 21-ին, ներկայացել է Կոտայքի մարզային քննչական վարչություն, տվել խոստովանական ցուցմունք, որ ինքն է Վ. Թորոսյանին վրաերթի ենթարկել և դեպքից հետո ինքնազգացողությունը վատանալու պատճառով դիմել է բուժօգնության:

Կատարվում է քննություն»:

Նշենք, որ 17-ամյա երիտասարդը Հրազդանի քաղաքապետ Արամ Դանիելյանի որդին է՝ 17-ամյա Ռազմիկ Արամի Դանիելյանը։ Նա ոստիկանություն է ներկայացել հոր հետ:

Ավելի վաղ հայտնել էինք, որ Կոտայքի մարզում հունիսի 8-ին, վրաերթ է տեղի ունեցել. ժամը 12։30-ի սահմաններոմ Nissan Teana մակնիշի 444 ԼԼ 70 համարանիշի ավտոմեքենայի վարորդը Հրազդան քաղաքում՝ Շահումյան փողոցում, վրաերթի է ենթարկել հետիոտնին։ Shamshyan.com-ի փոխանցմամբ, ավտոմեքենան հաշվառված է Հրազդանի քաղաքապետարանի հաշվեկշռում եւ սպասարկում է Հրազդանի քաղաքապետ Արամ Դանիելյանին, իսկ ավտոմեքենան վարել է նրա որդին՝ 17-ամյա Ռազմիկ Դանիելյանը։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Իրազեկում՝ պարտադիր զինծառայությունից խուսափած անձանց քրեական պատասխանատվությունից ազատելու կարգի մասին
«Զինվորական ծառայության և զինծառայողի կարգավիճակի մասին» ՀՀ օրենքի 19-րդ հոդվածի համաձայն՝ զորակոչի ենթակա են 18 տարին լրացած...»
Ոստիկանությունը պարտավորվել է քրեական գործ հարուցել Ամուլսարի ճանապարհները շրջափակած ցուցարարների նկատմամբ. «Լիդիան»
Դատախազությունը Վերաքննիչ քրեական դատարանի որոշումը ստանալուց հետո 15 օրվա ընթացքում...
Ընթանում է Սեդրակ Քոչարյանն ընդդեմ Արթուր Վանեցյանի գործով դատական նիստը
Երկրորդ նախագահ Ռոբերտ Քոչարյանի որդին՝ Սեդրակ Քոչարյանը, ԱԱԾ տնօրեն Արթուր Վանեցյանից պահանջում է հրապարակայնորեն հերքել...
Ինդոնեզիայում ձայների հաշվարկի ժամանակ հոգնածությունից մահացածների թիվը հասել է 92-ի
Բուդիմանի տվյալներով՝ եւս 374 մարդ ձայների հաշվարկից հետո գերհոգնածության պատճառով բողոքել է առողջական խնդիրներից...
Ինդոնեզիայում ընտրություններից հետո ձայների հաշվարկի ժամանակ ավելի քան 50 մարդ է մահացել
Նրա խոսքով, «ապրիլի 17-ին երկրում անցկացված ընտրություններից հետո ձայների վերահաշվարկի ժամանակ ընտրական հանձնաժողովի 54 ներկայացուցիչներ...
Ադրբեջանում դաժանաբար ծեծել են լրագրողուհու
Ադրբեջանում կին լրագրողը ենթարկվել է հարձակման...