12 տարվա ընդմիջումից հետո անցել է Տաջիկստան- Հայաստան միջկառավարական հանձաժողովի նիստը։ Այս մասին լրագրողներին հունիսի 13-ին Երեւանում հայտնել է Հայաստանում Տաջիկստանի դեսպան (նստավայրը Մոսկվայում է) Իմումուդին Սատորովը։
Հարաբերություններում նոր փուլի համար խթան են դարձել երկու երկրների նախագահները ՝ Էմոմալի Ռահմոնն ու Սերժ Սարգսյանը։ Նրանց հանդիպումից հետո մեկ տարի առաջ ձեռք է բերվել պայմանավորվածություն ուժեղացնել երկկողմանի տնտեսական հարաբերությունները, խնդիր է դրվել գումարել համատեղ բիզնես ֆորում ու ստորագրել մի շարք համաձայնագրեր՝ բիզնեսի աշխատանքը հեշտացնելու համար։
Դրա համար էլ հանձնաժողովի նիստը լավ նախապատրաստում է հունիսի 14-15-ը Տաջիսկստանի ղեկավարի Հայաստան այցելության համար, հավելել է դիվանագետը։ «Մեր տնտեսական փոխհարաբերությունները դեռ այդքան զարգացած չեն։ Բայց մեր նախագահներին միավորում են սերտ բարեկամական կապերը։ Մենք նախկին Խորհրդային միության տարածքում գրեթե բոլոր միջազգային կազմակերպությունների անդամներ ենք՝ ԱՊՀ-ի, ՀԱՊԿ-ի ու շատ այլ կազմակերպությունների։ Դրա համար էլ մեզ համար հիմա կարեւոր է ակտիվացնել երկկողմանի հարաբերություններն առեւտրա- տնտեսական ոլորտում»,- հայտնել է դեսպանը։
Տաջիկստանին հետաքրքիր է նաեւ ԵՏՄ-ին Հայաստանի ու Ղրզստանի անդամակցության փորձը՝ երկրների, որոնք տնտեսության նման մասշտաբներ ու նույնատեսակ խնդիրներ ունեն, հավելել է դեսպանը։