Ժողովրդի ինքնորոշման հիմքով ցանկացած պետության ստեղծումը, անկախ նրանից՝ որտեղ է ստեղծվում, միեւնույն է, Լեռնային Ղարաբաղի համար նախադեպ է համարվում: Այս մասին հունիսի 17-ին՝ լրագրողների հետ հանդիպման ժամանակ ասաց Երեւանի պետական համալսարանի Միջազգային հարաբերությունների եւ դիվանագիտության ամբիոնի վարիչ, հայ-քրդական կապերի բաժնի ղեկավար Վահրամ Պետրոսյանը՝ անդրադառնալով Իրաքյան Քուրդիստանում նախատեսվող անկախության հանրաքվեին:
«Սա եւս մեկ հարված է արդեն «սրբազան» դարձող տարածքային ամբողջականության գաղափարին»,- ընդգծեց Վահրամ Պետրոսյանը՝ շարունակելով, որ դրանից զատ, քրդական պետությունը կարող է Հայաստանի դաշնակիցը դառնալ:
Հիշեցնենք, որ նախատեսվում է ընթացիկ տարվա սեպտեմբերի 25-ին Իրաքյան Քուրդիստանում անկախության հանրաքվե անցկացնել: