Քրդերի շրջանում Հայաստանի իմիջը դրական է: Այս մասին հունիսի 17-ին՝ լրագրողների հետ հանդիպման ժամանակ ասաց Երեւանի պետական համալսարանի Միջազգային հարաբերությունների եւ դիվանագիտության ամբիոնի վարիչ, հայ-քրդական կապերի բաժնի ղեկավար Վահրամ Պետրոսյանը:
Նրա խոսքով՝ իհարկե, Էրբիլում Հայաստանի հյուպատոսության բացումը էական որոշում էր. դա կնպաստի հարաբերությունների զարգացմանը: «Հայաստանի դեպքում քրդերի բանավեճը բավականին դրական է: Նրանք մեզ որպես պահուստային տարբերակ են դիտարկում, քանի որ Թուրքիայի հետ հարաբերությունները կարող են տարբեր տարբերակներով զարգանալ: Նրանց մոտ առկա է ընկալում, որ Հայաստանը փոքր պետություն է, որը մեծ ազգ է ներկայացնում: Հայաստանը դիտարկվում է տարածաշրջանային ենթատեքստում՝ հայ-ռուսական եւ հայ-իրանական հարաբերություններ»,- նշեց Վահրամ Պետրոսյանը՝ շարունակելով, որ տնտեսական գործոնը նույնպես չափազանց կարեւոր է: «Նրանք ներդրումների հետ մեծ հույսեր են կապում, նշում են Հայաստանի կադրային ռեսուսների մասին, կարեւորություն են տալիս առողջապահության, գյուղատնտեսության, կրթության հայկական ոլորտներին»,- հավելեց Վահրամ Մարտիրոսյանը:
