Աբխազիայի կառավարության շենքում ատրճանակից կրակելու միջադեպ է տեղի ունեցել, հայտնում է «Աբխազիա-Ինֆորմը»:
Նշվում է, որ կրակոցները հնչել են կառավարության շենքի երրորդ մասնաշենքում:
«Մասնաշենքի աշխատակիցների խոսքով` մոտ ժամը 10.00-ին կրակոցներ են լսվել Աբխազիայի ժողովրդի 1992-1993 թվականների Հայրենական պատերազմի Հաշմանդամների հիմնադրամի նախագահ Բադր Ագրբի աշխատասենյակի մոտ: Կրակողի ազգանունը ճշտվում է»,- հայտնում է գործակալությունը:
Լրատվամիջոցները, վկայակոչելով օգտատերերին, հայտնել են, որ պատահարի հետեւանքով ոչ մեկը չի տուժել:
