Եգիպտոսի ՌՕՈՒ-ի ավիահարվածի հետեւանքով Սինայում 12 ահաբեկիչ է սպանվել, հայտնում է Reuters-ը։ Եգիպտացի զինվորականները հայտնել են, որ «ոչնչացվել են Անսար Բայթ ալ- Մագդիս» խմբավորման 12 առավել վտանգավոր առաջնորդները»։
Նշենք, որ 2014-ին «Անսար Բայթ ալ- Մագդիսը» հավատարմության երդում է տվել «Իսլամական պետությանը»։ Խմբավորմանը մեղադրում են հարյուրավոր զինվորականների ու ոստիկանների սպանության մեջ։ Վերջին ամիսներին ահաբեկիչների թիրախն էին դարձել քրիստոնյաները։ Ահաբեկչությունների հետեւանքով ղպտիական եկեղեցիներում ավելի քան 100 մարդ է զոհվել։