«Հրապարակ» թերթը գրում է. «Ժառանգություն» կուսակցությունն այսօր վարչության նիստ է հրավիրել, հին վարչության վերջին նիստն է, հաստատելու են հունիսի 25-ի համագումարի օրակարգը, հրավիրյալների ցանկը։ Տեղեկություններ կան, որ հրավիրյալների թվում է ՕՐՕ դաշինքի ղեկավար Սեյրան Օհանյանը, ով պատրաստվում է նույնիսկ ելույթ ունենալ։ «Եթե Վարդան Օսկանյանն այդ օրը Հայաստանում լինի, ապա անպայման նա էլ կմասնակցի»,- տեղեկացրեց կուսակցության ներկայացուցիչը։ Համագումարը կընտրի նոր վարչություն, արդեն կան ինքնառաջադրված թեկնածուներ։
Նախատեսվում են ծրագրային փոփոխություններ, ապրիլի 2-ի ընտրություններից հետո Րաֆֆի Հովհաննիսյանը, Սեյրան Օհանյանը, Վարդան Օսկանյանն ինտենսիվ հանդիպումներ են ունեցել, քննարկվել են միավորման տարբերակները։ Ավելի շատ հակված են «Ժառանգության» պլատֆորմի վրա նոր կուսակցություն ձեւավորելուն։ Համագումարը տեղի կունենա «Կոնգրես» հյուրանոցում, ժամը 12-ին։ Այն լրագրողների համար բաց է լինելու»:
Առավել մանրամասն՝ թերթի այսօրվա համարում
