Էներգետիկայի տարածաշրջանային շուկայում Հայաստանը պետք է ակտիվ խաղացող դառնա։ Այս մասին հունիսի 21-ին խորհրդարանի նիստում, ներկայացնելով 2017-2022 թվականների Կառավարության ծրագիրը, ասաց ՀՀ վարչապետ Կարեն Կարապետյանը։

Նրա խոսքով՝  Կառավարությունը կդյուրացնի էներգետիկայի միջսահմանային հոսքերը, ինչն էլ իր հերթին կդյուրացնի հարեւան երկրների հետ առեւտուրը։ Էներգետիկայի շուկայի ազատականացման, ինչպես նաեւ վերականգնվող ռեսուրսների զարգացման համար այլ միջոցներ եւս կձեռնարկվեն։