Ֆիլիպիններում զինծառայողները հայտնել են երկրի հարավային Մարավի քաղաքը զավթած գրոհայինների երկու առաջնորդի սպանության մասին, փոխանցում է Associated Press-ը։
Գեներալ Էդուարդ Անոյի խոսքով՝ Մարավիի պաշարումը գլխավորած եւ ֆինանսավորած մալայզիացի Մահմուդ բին Ահմադը մայիսին մարտերի ընթացքում վիրավորում է ստացել։ Նշվում է, որ դրա հետեւանքով նա մահացել է հունիսի 7-ին։ Սպանվել է նաեւ գրոհայինների առաջնորդներից Օմարհայամ Մաութեն։
Մահմուդը «Իսլամական պետությունից» շուրջ 600 000 դոլար է ստացել՝ հրազեն, պարեն եւ սպառազինության այլ միջոցներ ձեռք բերելու համար։
Մալայզիացի նախկին պրոֆեսոր Մահմուդ բին Ահմադը, որը ջիհադիստ է դարձել եւ վերապատրաստվել է Աֆղանստանում, հայտնվել է տեսագրությունում, որտեղ ծրագրվել է Մարավիայի պաշարումը։ Դա վկայում է քաղաքի վրա հարձակման ժամանակ նրա ունեցած մեծ դերի մասին։