Մեծ Բրիտանիայի վարչապետ Թերեզա Մեյը կարծում է, որ ԵՄ-ից դուրս գալուց հետո Բրիտանիայում միության քաղաքացիների կարգավիճակի վերաբերյալ առաջարկը շատ լուրջ է եւ արդարացի, փոխանցում է Reuters-ը:
Ավելի վաղ հաղորդվել է, որ Մեյն առաջարկել է Բրիտանիայում ապրող ԵՄ քաղաքացիներին առնվազն 5 տարվա կեցություն տրամադրել` ԵՄ-ից Բրիտանիայի դուրս գալուց հետո:
Նա հայտնել է, որ Բրիտանիայի կառավարությունն ավելի մանրամասն առաջարկը կներկայացնի երկուշաբթի` հունիսի 26-ին: «Ես ցանկանում եմ ԵՄ-ի բոլոր քաղաքացիներին հավաստիացնել, որ նրանցից ոչ մեկը չի բախվի երկիրը լքելու անհրաժեշտության հետ: Մենք չենք ցանկանում ընտանիքներին իրարից բաժանել»,- ասել է Մեյը` հավելելով, որ ինքը նույնպիսի երաշխիքներ է ցանկանում նաեւ ԵՄ երկրներում ապրող բրիտանացիների համար: