ԱՄՆ-ում մոտոցիկլետավարը մի քանի մեքենաների վթարի պատճառ է դարձել, փորձելով ինչ- որ պատճառով մայրուղուց դուրս հանել Nissan-ը։ Միջադեպը տեղի է ունեցել Սանտա Կլարիտա քաղաքում, գրում է The Signal-ը։

Տեսահոլովակում երեւում է , թե ինչպես է մոտոցիկլետավարը մոտենում Nissan –ին ու ոտքով հարվածում մեքենայի կողքից։ Ի պատասխան Nissan-ի վարորդը փորձում է հրել մոտոցիկլետավարին։ Սակայն վերջինին հաջողվում է պահպանել հավասարակշռությունը, իսկ ահա Nissan-ը կորցնում է կառավարումը։ Մեքենան սկսում է այսուայն կողմ գնալ, որից հետո բախվում է սպիտակ Cadillac-ի, որը հարվածից շրջվում է։

Վթարի մեղավորին ոստիկանությունը դեռ որոնում է, իսկ Nissan-ի վարորդը հոսպիտալիզացվել է վնասվածքներով։