ԱՄՆ նախագահ Դոնալդ Թրամփի դուստր Իվանկա Թրամփն ու Ջարեդ Քուշները համաձայնել են Չինաստան այցելել։ Սպիտակ տան պաշտոնական ներկայացուցիչ Շոն Սփայսերը հաստատել է դա՝ լրագրողների համար ճեպազրույցում, հայտնում է ՏԱՍՍ-ը։
«Մենք լսել ենք, որ Իվանկան ու Ջարեդն ընդունել են մինչեւ տարեվերջ Չինաստան այցելելու հրավերքը»,- հետաքրքրվել է լրագրողներից մեկը։ «Այո, նրանք ընդունել են»,- արձանագրել է Սփայսերը։
Մեկնաբանություններում ենթադրություն են արտահայտել, որ դեպի Չինաստան նրանց ուղեւորությունը կարող է ճանապարհ հարթել ամերիկյան աշխատակազմի ղեկավարի հետագա այցելության համար։
