ԱՄՆ-ի ամենածեր բանտարկյալը՝ 100 տարեկան մաֆիոզի Ջոն (Սոնի) Ֆրանչեսկեն, 8 տարի Մասաչուսեթսի բանտում անցկացնելուց հետո ազատ է արձակվել:
Ըստ Dayli News-ի՝ Ֆրանչեսկեն ժամանել է դստեր տուն: Նա Բրուքլինում ժամանակ կանցկացնի ընտանիքի հետ:
Նշվում է, որ իր լեգենդար հանցավոր գործունեության ընթացքում Ֆրանչեսկեին առնվազն 6 անգամ ներում է շնորհվել: Ընդ որում, նա խոստովանել է, որ իր կյանքի ընթացքում բազմաթիվ մարդկանց է սպանել: «Շատ. ոչ 3, 4, 5... շատ ավելին»,- ասել է նա: Սակայն Ֆրանչեսկեն ոչ մի անգամ սպանության համար չի դատապարտվել:
Վերջին դատական գործի ժամանակ Ֆրանչեսկեի կինը դատավորին խնդրել է ներում շնորհել ամուսնուն՝ պնդելով, որ իրենք շատ են սիրում միմյանց: Բայց թոռնիկը՝ Քրիստինան, նշել է, որ բանտում պապն ավելի լավ կզգա իրեն, քանի որ «ճաղերի հետեւում նա հանգստություն եւ աջակցություն կգտնի»:
