Թուրքիայի իշխանությունները հայտարարել են ահաբեկչություններ կազմակերպելու մեջ կասկածվող 5 անձի ձերբակալության մասին: Այս մասին հաղորդում է Hurriyet-ը՝ վկայակոչելով Հաթայի վարչակազմի հայտարարությունը: Աղբյուրի փոխանցմամբ՝ «հինգ ահաբեկիչներ Սիրիայից Թուրքիա են ուղարկվել՝ ահաբեկչություններ իրականացնելու»:
Հաղորդվում է, որ ձերբակալվածները մահապարտի գոտիներով են եղել, նրանցից երկուսը ցանկացել են գործի դնել դրանք, բայց չեզոքացվել են:
Նախնական տեղեկություններով՝ ձերբակալվածներից 3-ը սիրիացիներ են, 2-ը՝ թուրքեր: Ոստիկանությունը ենթադրում է, որ նրանք «Իսլամական պետության» զինյալներ են:
