Իրանի անվտանգության ուժերին հաջողվել է լուրջ հարված հասցնել ահաբեկիչներին, առգրավելով մեծ քանակության զենք, զինամթերք ու սպառազինում։ Այս մասին հայտնել է Իրանի հետախուզության նախարար Սեյեդ Մահմուդ Ալավին, հայտնում է PressTV-ն։
Նրա խոսքով, Իրանի անվտանգության ուժերն ամբողջովին վերահսկում են իրավիճակը, նրանց ջանքերի շնորհիվ նվազագույնի է հասցվել ահաբեկչությունների հնարավորությունը։
Ավելի վաղ արեւմտյան Քերմանշախ նահանգի դատախազ Նեմատ Սադեգին նշել էր, որ թեհրանյան ահաբեկչություններից հետո ձերբակալվել են ավելի քան 50 մարդ, որոնք կապեր ունեն ահաբեկչական խմբերի հետ, նաեւ առգրավվել են մահապարտների գոտիներ, էլեկտրոնային դետոնատորներ, զենք ու զինամթերք։