Իրանում կալանավորվել է ահաբեկչություններ պլանավորող ԻՊ ահաբեկիչ։ Իրանական Press TV–ն հայտնում է, որ տղամարդուն կալանավորել են Թեհրանի նահանգի Անդիշե քաղաքում։
«Այս պահին ԻՊ անդամի հեռախոսից շատ կարեւոր տեղեկություններ են ստացվել, նա ինքը կալանքի տակ է»,– ասել է Իսլամական հեղափոխության պահապան կորպուսի տեղական ստորաբաժանման ղեկավար գնդապետ Ամին Յամինին։
Նրա խոսքով՝ ահաբեկիչների բջիջը մտադիր էր 300 ահաբեկչական գործողություն իրականացնել մուսուլմանների համար սրբազան Մուհարամ ամսվա ընթացքում։