Հայաստանում ադրբեջանական ապրանքները պաշտոնապես արգելված չեն, բայց ես, որպես հայ, դեմ եմ դրանց։ Այս մասին հունիսի 27-ին լրագրողների հետ զրույցում ասաց ՀՀ Պետեկամուտների կոմիտեի նախագահ Վարդան Հարությունյանը։
Նրա խոսքով՝ ՊԵԿ-ի այն աշխատակիցները, որոնց թերի աշխատանքի պատճառով ադրբեջանական խնձորները հայտնվել են երկրում, «այժմ համապատասխան վայրերում են»։
Նա հերքեց Հայաստան ադրբեջանական կաթի փոշու ներկրումը։ «Մաքսայինի տվյալներով՝ նման բան տեղի չի ունեցել։ Եթե սննդամթերքի անվտանգության ծառայությունը հակառակն է պնդում, կարող եք այնտեղ դիմել»,- նշեց Հարությունյանը։