Չինաստանի Կոմունիստական կուսակցության Կենտրոնական կոմիտեի 36-րդ նստաշրջանի ընթացքում բարեփոխումների համընդհանուր խորացման շրջանակում հավանության է արժանացել Չինաստանում առաջին համացանցային դատարանի ստեղծման ծրագիրը, հայտնում է CCTV հեռուստաալիքը:
Այն կստեղծվի Հանչժոու քաղաքում, որը կքննի բացառապես կիբերհանցագործությունների հետ կապված գործերը:
Համացանցային դատարանը կքննի նաեւ օնլայն առեւտրի ընթացքում խարդախության, պարտքային պայմանագրերի օնլայն կնքման, համացանցում հեղինակային իրավունքի խախտման գործերը:
Դատական բոլոր ընթացակարգերը` սկսած հայցի ներկայացումից, կանցկացվեն դատարանի կայքում: Քննարկումները եւս օնլայն կընթանան` իրական ժամանակում տեսահեռարձակման միջոցով: