Հռոմի պապ Ֆրանցիսկոսը կարգալույծ է արել իտալացի մանկապիղծ հոգեւորական Մաուրո Ինցոլիին, հայտնում է AFP-ն։
Նշում են, որ Ինցոլին զրկվել էր հոգեւորականի կոչումից 2012-ին, երբ նրան առաջին անգամ մեղադրել էին մանկապղծության մեջ, սակայն 2014-ին այդ որոշումը վերանայվել էր, այդ ժամանակ Ֆրանցիսկոս պապը նրան կարգադրել էր հեռու մնալ երեխաներից ու կյանքը նվիրել աղոթքներին ու համեստ կենսակերպին։
Սակայն այսօր, հունիսի 28-ին, Իտալիայի հյուսիսում Կրեմի թեմը հայտնել է, որ Հռոմի պապի վերջնական որոշումով, Ինցոլին, որը 5 տարվա ազատազրկման էր դատապարտվել երեխաների նկատմամբ սեռական բռնության համար, զրկվել է հոգեւորականի կոչումից։
Մաուրո Ինցոլին, որին մամուլը Դոն Մերսեդես է անվանում նրա շքեղ մեքենաների համար ,մեղավոր է ճանաչվել 12-16 տարեկան երեխաների նկատմամբ սեռական բռնության ութ դրվագների համար՝ 2004-2008 թթ։