Լիբիան Կատարին, Սուդանին եւ Թուրքիային մեղադրել է ահաբեկչությանն աջակցելու մեջ: GulfNews-ի փոխանցմամբ՝ այս մասին հայտարարել է լիբիական բանակի ներկայացուցիչ, գնդապետ Ահմեդ ալ-Մեսմարին:
Նրա խոսքով՝ բանակը պայքարում է ոչ թե լիբիացի ահաբեկիչների, այլ վերազգային ահաբեկչության դեմ: «Բենղազիում ահաբեկչության գլխավոր աջակիցներն են Կատարը, Սուդանն ու Թուրքիան»,- հայտարարել է գնդապետը:
Ահմեդ ալ-Մեսմարին նշել է, որ երկրի հետախուզությունը «հետեւում է Լիբիայում «Ալ Ջազիրա»-ի թղթակցի եւ ահաբեկիչների առաջնորդների միջեւ հաղորդագրություններին եւ հեռախոսազանգերին»: «Կատարի օդանավերը կանոնավոր վայրէջք են կատարում Լիբիայում՝ ահաբեկչական խմբերին աջակցելու համար»,- նշել է նա:
