Ադրբեջանի նախագահ Իլհամ Ալիեւի ցեղասպան քաղաքականությունը չի կարող դադարել միջազգային կառույցների ներկայացուցիչների պարիտետային հայտարարությունների պատճառով։ Այս մասին հուլիսի 6-ին «Արցախ 2016․ ապրիլի երկրորդ օր» ֆիլմի պրեմիերային հաջորդած մամուլի ասուլիսի ժամանակ հայտնել է ֆիլմի համահեղինակ, Հայաստանի առաջին ՄԻՊ, «Իրավական կամայականությունների դեմ» ՀԿ-ի նախագահ Լարիսա Ալավերդյանը։
Նրա խոսքով ղարաբաղյան պատերազմը շարունակում է խլել երեխաների կյանքեր։ «Ալիեւյան գերդաստանի ցեղասպան քաղաքականությունը հայ ժողովրդի հանդեպ շարունակվում է։ Մենք պետք է դա հասցնենք համապատասխան միջազգային ատյանների գիտությանը»,- շեշտեց Ալավերդյանը։
