ԱՄՆ Սենատում Obamacare-ի շուրջ քվեարկությունը հաջորդ շաբաթ չի կայանա: Պատճառը Ջոն Մաքքեյնի վիրահատությունն է: Այս մասին հաղորդել է հանրապետական մեծամասնության ղեկավար Միթչ Մաքքոնելը:
Ամբողջ շաբաթ Մաքքեյն Արիզոնայում վերականգնողական փուլ է անցնելու: Անցյալ շաբաթ սենատորն աչքի վիրահատության է ենթարկվել, հաղորդում է ՏԱՍՍ-ը:
Հունիսի վերջին ԱՄՆ նախագահ Դոնալդ Թրամփը Հանրապետական կուսակցության սենատորներին կոչ էր արել չեղարկել նախագահ Բարաք Օբամայի ժամանակ ընդունված բժշկական ապահովագրության համակարգը: Դրա դեմ էին հանդես եկել Սենատի բոլոր 48 դեմոկրատները: