Ծախսվել է պաշտպանության նպատակներով Ռուսաստանի հատկացրած վարկի 85 տոկոսը։ Այս մասին հուլիսի 17-ին կայացած մամուլի ասուլիսում հայտարարեց ՀՀ ֆինանսների նախարար Վարդան Արամյանը։
Նրա խոսքով՝ 200 մլն դոլարից պետք է ծախսվի վերջին 30 միլիոնը։ Նոր պարտքերի մասին պաշտոնական առաջարկություններ դեռ չկան, սակայն քննարկումներ միշտ ընթանում են։ Մանրամասներին տեղյակ է պաշտպանության նախարարությունը։ «Բայց կարող եմ նկատել, որ Ռուսաստանը պաշտպանության ոլորտում Հայաստանի հիմնական գործընկերներից է»,- հավելեց Արամյանը։
Հիշեցնենք, որ սպառազինություն գնելու համար Ռուսաստանը Հայաստանին վարկ էր հատկացրել 2016 թվականի փետրվարին։