Թուրքիայի Թեքիրդաղ նահանգի ոստիկանությունը կիրակի՝ հուլիսի 16-ին, 115 մարդու է ձերբակալել ընդդիմադիր իսլամական քարոզիչ Ֆեթուլլահ Գյուլենի FETO կազմակերպության հետ կապերի կասկածանքով, հայտնում է Hurriyet Daily News-ը:
Աղբյուրների տեղեկություններով՝ կասկածյալների թվում են բիզնեսմեններ, տնային տնտեսուհիներ եւ ոստիկաններ, որոնց մեղադրում են հաղորդագրությունների փոխանակման ByLock հավելվածից օգտվելու մեջ, որը անցյալ տարվա պետական հեղաշրջման փորձի ժամանակ օգտագործել են FETО-ի անդամները:
Ենթադրաբար Թուրքիայի անվտանգության ծառայությունները հավելվածը կոտրել են մինչեւ հեղաշրջումը, որը խռովարարներին ստիպել է անցնել հաղորդագրությունների փոխանակման WhatsApp ծառայությանը:
Թուրքիայի կառավարության տվյալներով՝ Fethullahist (FETО) ահաբեկչական կազմակերպությունը 2016 թվականի ամռանը չհաջողված պետական հեղաշրջան կազմակերպիչն էր: