Գյումրիում հուլիսի 11-ին ողբերգական ելքով տեղի ունեցած վրաերթի մեջ կասկածվող երիտասարդին կալանավորել են: Այս մասին NEWS.am-ի հետ զրույցում ասացին ՀՀ քննչական կոմիտի մամուլի ծառայությունից:
Ողբերգական ելքով վրաերթի մեջ կասկածվում է Գյումրիի բնակիչ 20-ամյա Ալբերտ Խանոյանը: Նրան մեղադրանք է առաջադրվել ՀՀ ՔՕ 242 հոդվածի 3-դ մասով՝ Ճանապարհային երթեւեկության եւ տրանսպորտային միջոցների շահագործման կանոնները խախտելը:
Ավելի վաղ NEWS.am-ը հայտնել էր, որ հուլիսի 11-ի երեկոյան Գյումրի քաղաքում Opel մակնիշի 15 XX 550 համարանիշի ավտոմեքենայի վարորդը Վազգեն Սարգսյան փողոցում վրաերթի է ենթարկել 2 հետիոտնի: Վրաերթի օրը տեղում մահացել էր 30-ամյա Նելսիկ Ղազարյանը, իսկ նրա 23-ամյա կինը՝ Արփինե Մանուկյանը մեկ օր անց հիվանդանոցում էր մահացել: Արփինե Մանուկյանը սպասոում էր երեխայի: