Մոսուլում իրաքցի զինվորականները ձերբակալել են 16-ամյա գերմանուհու, որը ԻՊ-ի այսպես կոչված «հարսնացուներից» մեկն է, գրում է The Telegraph-ը։
Պարբերականի համաձայն, Լինդա Վենցելը, որը Դրեզդենից ոչ հեռու գտնվող Պուլշնից փոքր քաղաքից է, հայտնաբերվել է 20 ուրիշ օտարերկրացի կանանց հետ, որոնց կասկածում են ԻՊ-ին անդամակցության մեջ։ Նրանց հայտնաբերել են Հին քաղաքի տակ գնվող թունելում։ Լուսանկարի վրա աղջիկը գունատ է ու վախեցած։
Լինդան անհետացել էր մեկ տարի առաջ։ Նա մեծացել է բողոքական ընտանիքում ու չի դրսեւորել որեւէ հետաքրքրություն կրոնի հանդեպ։ Սակայն 2016-ի գարնանը նա առաջին անգամ ծնողնրեին պատմել է, որ հետաքրքրվում է իսլամով։ Նրա ընկերները հավաստիացնում են, որ աղջիկն իսլամ է ընդունել ու որոշ ժամանակ անց արմատականացել է ՝ համացանցում շփումների միջոցով։ Լինդան սկսել է ուսումնասիրել արաբերեն, դպրոց Ղուրան էր բերում ու հագնվում էր մուսուլման կանանց նման։ Ոստիկանությունը համարում է, որ նա սիրահարվել էր մուսուլման տղամարդու, որի հետ համացանցում էր ծանոթացել, որն էլ հենց համոզել էր նրան Սիրիա տեղափոխվել ու միանալ իրեն։