Lotus ընկերությունը ներկայացրել է Evora ֆլագմանյան կուպեի նոր մոդիֆիկացիան, որը ստացել է GT430 անվանումը։ Նորույթը ամենահզոր մոդելն է բրիտանական ապրանքանիշի պատմության մեջ, հայտնում է Motor-ը։

Մեքենան ունի  3,5 լիտրանոց V6 շարժիչ՝ 436 ձիաուժ հզորությամբ։ Շարժիչը համադրվում է վեց աստիճանանոց մեխանիկական տուփի հետ։  

Տեղից 96 կմ/ժ արագություն  Lotus Evora GT430-ն բացում է 3․7 վայրկյանում։ Առավելագույն արագությունը 305 կմ/ժ է։  

Մոդելն ունի նաեւ լրամշակված աէրոդիմանիկա։ Կուպեն ունի նոր առջեւի սփլիթեր, մեծ չափի դիֆուզոր, ետեւի հակաթեւ ու առջեւի վերաձեւված բամպեր։ Բացի դրանից  Evora GT430 լրացուցիչ անցքեր ունի, օրինակ ետեւի բամպերում, որոնք օդը հանում են անիվների կամարներից։