Դատարանը 27 տարվա ազատազրկման է դատապարտել գեներալ Մանուս Կոնգպանին՝ կաշառակերության ու միգրանտների հանդեպ դաժան վերաբերմունքի հանդեպ, հայտնում է Reuters-ը։
Հետաքննությունը սկսվել է այն բանից հետո, երբ 2015-ին Սոնգկխլա նահանգում հայտնաբերվել է զանգվածային գերեզմանափոս, որտեղ հիմնականում ռոխինջա ազգությանը պատկանող մարդկանց դիեր էին։
Մաքսանենգները մարդկանց Մյանմարից ու Բանգլադեշից Թաիլանդ էին ուղարկում, իսկ Կոնդպանը պատասխանատու էր ապօրինի ճանապարհով Թաիլանդ ժամանած միգրանտների արտահանձնման համար։ Նրա ղեկավարությամբ զինվորականները միգրանտներին նստեցնում էին առանց շարժիչի, թիակների ու առագաստի նավակների մեջ, ինչի հետեւանքով շատերը ճանապարհին զոհվում էին։
Այդ գործին առնչություն ունենալու կասկածանքով դատապարտվել է ընդամենը 62 մարդ։
Իսկ գեներալն ինքը կտրականապես հերքում է, որ վատ է վերաբերվել միգրանտներին։ Նրա խոսքով, ինքը «փորձել է օգնել նրանց, իր գրպանից վճարելով հացի ու ջրի փողը»։
