Ծովային հետեւակայինների ու խողովակաշարերից վառելիք գողացած ավազակների միջեւ փոխհրաձգությունը Մեքսիկայում հինգ մարդու կյանք է խլել, հայտնում է ՌԻԱ Նովոստին։

Պուեբլա նահանգի անվտանգության համակարգման հարցերով խմբի տեղեկություններով ծովային հետեւակայիններին հաջողվել է ձերբակալել «Բուկանաս» ավազակախմբի պարագլուխներից մեկին, զոհվել է մեկ զինծառայող, եւս երկուսը՝ վիրավորում է ստացել։

Ավելի վաղ Pemex նավթային ընկերության ղեկավար Խոսե Անտոնիո Գոնսալես Անայան հայտնել էր, որ նավթամթերքի գողության հետեւանքով ամենամյա կորուստները կազմում են մոտ 20 մլրդ եվրո։ Ապօրինի բիզնեսի այդ տեսակը բավականին զարգացած է Մեքսիկայում։