Հուրգադայի հյուրանոցներից մեկի լողափին հուլիսի 14–ին հարձակման ենթարկվելու հետեւանքով Կահիրեի հիվանդանոց տեղափոխված ՀՀ երկու քաղաքացիներից մեկը Վերակենդանացման բաժանմունքից տեղափոխվել է հիվանդասենյակ: Այս մասին այսօր՝ հուլիսի 22-ին, NEWS.am-ի հետ զրույցում ասաց ՀՀ արտաքին գործերի նախարարի մամուլի խոսնակ Տիգրան Բալայանը: Նա նշեց, որ Կահիրեի հիվանդանոցում գտնվող մյուս կինն էլ արդեն ապաքինվել է, նա սպասում է, որպեսզի ընկերուհին վերջնականապես ապաքինվի եւ միասին վերադառնան Հայաստան:
Նշենք, որ հուլիսի 15-ին նրանք ուղղաթիռով տեղափոխել էին Կահիրե։
Հիշեցնենք, որ հուլիսի 14-ին 28-ամյա Աբդել Ռահման Շաաբանը Հուրգադայի հյուրանոցներից մեկի ծովափին դանակով հարձակվել է զբոսաշրջիկների վրա, որի հետեւանքով սպանվել են գերմանացի երկու զբոսաշրջիկներ, եւս չորսը՝ Հայաստանի, Չեխիայի եւ Ռուսաստանի քաղաքացիներ, վիրավորվել են։