Հայաստանը ռուսական զենքի դիմաց վճարում է՝ իր տարածքում պահելով ռուսական ռազմակայանը։ Այս մասին լրագրողների հետ զրույցի ժամանակ ասել է «Մոդուս ՎԻվենդի» կենտրոնի ղեկավար, քաղաքագետ Արա Պապյանը ,պատասխանելով NEWS.am-ի թղթակցի այն հարցին, թե ինչպես է Հայաստանը վճարում Ռուսաստանից ձեռք բերած զենքի դիմաց, հաշվի առնելով, որ նրա ֆինանսական հնարավորությունները ծայրաստիճան սահմանափակ են։

Փորձագետի խոսքով, Հայաստանն է  հոգում  Հայաստանում ռուսական ռազմակայանի պահման ծախսերի 62 տոկոսը։

«Շատ գեներալներ ասում են, որ դրա հաշվին ռուսները մեր զինվորներին են սովորեցնում։ Բայց չէ՞ որ դա անվճար չէ։ Մենք անվճտար տրամադրում ենք ռազմակայան, որի համար տարեկան մի քանի միլիոն դոլար է ծախսվում»,- դժգոհեց Արա Պապյանը ։

Միաժամանակ քաղաքագետը նշեց, որ Հայաստանը վճարում է իրեն տրամադրված ՌՍԶՕ ՏՕՍ-1Ա «Սոլնցեպեկ» ու «Իսկանդեր» համակարգերի համար՝ այդ թվում նաեւ քաղաքական ոլորտում։

«Մենք ՄԱԿ-ում քվեարկում ենք ռուսական դիրքորոշման օգտին այս կամ այն հարցերի շուրջ, մենք կորցնում ենք հարյուր միլիոնավոր դոլարներ, որոնք կարող էինք ունենալ  որպես ներդրումներ, բայց այդպես էլ չունեցանք»,- պարզաբանեց Պապյանը։

Քաղաքագետի խոսքով, Բելառուսի ու Ղազախստանի նման երկրները ոչ միշտ են Ռուսաստանի օգտին քվեարկում։