«Թալիբան» շարժման զինյալները ստանձնել են Աֆղանստանի մայրաքաղաք Քաբուլում իրականացված ահաբեկչության պատասխանատվությունը, որը 24 մարդու կյանք է խլել: Այս մասին հաղորդում է ՏԱՍՍ-ը՝ վկայակոչելով Pajhwok գործակալությունը:
Ավելի վաղ հայտնի էր դարձել 42 տուժածի մասին: Քաբուլի արեւմտյան հատվածում մահապարտ ահաբեկիչը պայթուցիկով լի ավտոմեքենան պայթեցրել է փոխվարչապետ Հաջի Մոհամմադ Մոհակիկի տան հարեւանությամբ:
Agence France-Presse-ի տվյալներով՝ հարձակման թիրախն ավտոբուսն է եղել, որը տեղափոխում էր լեռնահանքային արդյունաբերության եւ նավթի նախարարության աշխատակիցներին: Բոլոր զոհվածները խաղաղ բնակիչներ են: