Բրիտանական դատարանները պետք է պաշտպանեն ԵՄ այն քաղաքացիների իրավունքները, որոնք ապրելու են Բրիտանիայում միությունից երկրի դուրս գալուց հետո։ Այս մասին հայտնել է բրեքսիթի հարցերով բրիտանական նախարար Դեւիդ Դեւիսը, հայտնում է Reuters-ը։
ԵՄ-ից Բրիտանիայի դուրս գալուց հետո Մեծ Բրիտանիայում բնակվող ԵՄ քաղաքացիների ու ԵՄ 27 երկրներում բնակվող բրիտանացիների իրավունքների պաշտպանությունը հիմնական խոչընդոտն է Լոնդոնի ու Բրյուսելի բանակցություններում։ Բրիտանիան դեմ է, որ երկրում բնակվող 3 մլն եվրոպացիների իրավունքները երաշխավորվեն Եվրոպական դատարանով։
Պատասխանեով այն հարցին, արդյոք Բրիտանիան պատրաստ է գնալ փոխզիջման՝ Դեւիսը նշել է, որ այդ հարցը պետք է լուծվի երկրի խորհրդարանում ու ամենագլխավորը՝ ամրագրվի համապատասխան պայմանագրով։ «Օրինակ եթե մենք ստորագրում ենք համաձայնագիր ԱՄՆ-ի հետ, հենց մենք էլ ԱՄՆ Գերագույն դատարանին իրավունք ենք տրամադրում լուծել այդ հարցերը»։ Դեւիսը ասել է, որ Մեծ Բրիտանիան «լուրջ է վերաբերում եվրոպական քաղաքացիների վստահությունն ապահովելու պահանջին»։