Ավելի քան 20 մարդ տարբեր աստիճանի ծանրության վնասվածքներ են ստացել Ալբանիայի հյուսիս-արեւմուտքում գտնվող Վելիպոեի ռեստորանում գազի պայթյունի հետեւանքով, հայտնում է INA լրատվական գործակալությունը:
Պայթյունը տեղի է ունեցել Ադրիատիկ ծովի մերձափնյա գոտու տուրիստական օբյեկտի առաջին հարկում տեղակայված ռեստորանում: Նշվում է, որ պատահարի պահին զբոսաշրջիկների մեծ մասն իրենց համարներում քնած էին:
«Տուժել է 20-ից մինչեւ 30 մարդ, նրանցից 5-ը ծանր վնասվածքներ են ստացել»,- փոխանցում է գործակալությունը:
Զբոսաշրջիկները, աշխատակիցների եւ հարեւան տների բնակիչները տարհանվել են, դեպքի վայրում հրդեհը շարունակվում է: Հրդեհի մարմանը մասնակցում են հրշեջները եւ կամավորներ: Պայթյունի պատճառները պարզվում են: