Սիերա Լեոնեում հասարակական կարգի ու անվտանգության նկատառումներով արգելել են վազքը քաղաքի փողոցներում։ Այս մասին հայտնում է ՌԻԱ Նովոստին՝ վկայակոչելով Africa News-ը։
Հեռուստաալիքը նշել է, որ ոստիկանության համապատասխան իրազեկումը հրապարակվել է հուլիսի 27-ին։ Այն ստորագրել է ոստիկանապետ Ֆրենսիս Ալյե Մունուն։
Ոստիկանությունից հայտնել են, որ արգելքը ընդունվել է այն անհարմարությունների կապակցությամբ, որոնք պատճառում են բնակիչներին վազորդները։ Մասնավորապես պարզաբանվում է, որ վազորդները խոչընդոտներ են ստեղծում տրանսպորտի երթևեկության համար, բացի դրանից նրանք լսում են բարձր երաժշտություն, օգտագործում անպարկեշտ արտահայտություններ։
Նշում են, որ վազքը թույլատրված է միայն հանգստի գոտիներում ու լողափերին։