Արագածոտնի մարզի Շամիրամ գյուղում զինված հարձակման հետեւանքով, այս պահի դրությամբ ճշտված տվյալներով, զոհվել է չորս մարդ, եւս յոթ անձ վիրավոր է։
Աշտարակի բժշկական կենտրոն տեղափոված վեց վիրավորներից երեքին տեղափոխել են «Աստղիկ» բժշկական կենտրոն։ Մեր տեղեկություններով, նրանցից մեկը վիրավորում է ստացել թիակի հատվածում, երկրորդը՝ անրակի։ Երրորդ վիրավորի թոքն են դրենավորել։ Երկուսի վիճակը միջին ծանրության է, մեկինը՝ ծանր։
Արագածոտնի մարզպետարանի առողջապահության եւ սոցիալական ապահովության վարչության պետ Արտեմ Պետրոսյանի հաղորդմամբ`Աշտարակի բժշկական կենտրոնում բուժումը շարունակում է երեք վիրավոր։ Նրանք ունեն վերջույթների հրազենային վնասվածքներ, բժիշկները նրանց առողջական վիճակը գնահատում են կայուն, միջին ծանրության, կյանքին վնաս չսպառնացող:
Վիրավորներից 2-ը տեղափոխվել են Երեւան` «Արմենիա» հանրապետական բժշկական կենտրոն, որտեղ տուժածներից 1-ի կյանքը, ցավոք, չի հաջողվել փրկել: Վիրահատության ժամանակ նա մահացել է: Մյուս վիրավորի վիճակը կայուն է: