Մի խումբ հայ մշակողներ ստեղծել են լուսանկարներով դեմքի շարժման սիմուլյատոր։ Նախագիծը ներկայացվել էր Sevan Startup Summit տեխնոլոգիական նախագծերի մրցույթում, որը անցել է հուլիսի վերջին Սեւանա լճի ափին։
NEWS.am-ի թղթակցին նախագծի հիմնադիր Ալբերտ Մանուկյանը հայտնել է, որ ծրագիրը ճանաչում է լուսանկարի վրա պատկերված մարդու խոսքի հնչյունները ու նմանակում դրանց արտաբերումը։
«Դեմքը թաքցնելը» շահավետ է կորպորատիվ քոլ- կենտրոնների համար՝ եթե հաճախորդը տեսնում է միայն լուսանկարը, այլ ոչ թե տեսագրությունը, ապա կարելի է ավելորդ գումարներ չծախսել կենտրոնի արտաքին տեսքի վրա ( միջավայր, լուսավորություն) նաեւ չմտածել աշխատակիցների դրես -կոդի մասին։
«Իհարկե մասնագիտացված քոլ կենտրոնները այդ ամենի մասին հոգ են տանում, խոշոր կորպորացիաները՝ նույնպես։ Բայց կան ոչ այնքան մեծ ընկերություններ, որոնք քոլ կենտրոնը աութսորսինգի չեն հանձնում, բայցեւ չեն ուզում չափից շատ գումարներ ծախսեր դրա վրա։ Նրանց համար, կարծում եմ, մեր առաջարկը շատ շահավետ կլինի»,- հայտնել է Մանուկյանը։
Մշակման հեղինակները առայժմ ուզում են ամրապնդել իրենց դիրքերը ամերիկյան շուկայում, որտեղ նրանց հետ արդեն մի քանի ընկերություններ են աշխատում։