Հայաստանը ու Վրաստանը էլեկտրաէներգիայի առեւտրի հարցերով աշխատախումբ են ստեղծել։ Այս մասին NEWS.am–ի թղթակցին հայտնել է Հանրային ծառայությունների կարգավորման հանձնաժողովի սակագնային քաղաքականության վարչության ղեկավար Գարեգին Բաղրամյանը։
Քննարկումներն իրականացվում են Հայաստանից Վրաստան նոր 400 կվ ԷՄԳ-ի շինարարության հետ միասին։ Երբ այն ավարտվի, երկու էներգահամակարգերի միջեւ թողունակությունը կավելանա մոտ եռակի, իսկ դրանց փոխգործակցությունը մեկուսացվածից կանցնի զուգահեռ ռեժիմի։ Այդ դեպքում հոսանքը փոխանակելն ավելի կհեշտանա։
Այդ ընդլայնվող շուկա ուզում են թույլատրել նաեւ էլեկտրականության մասնավոր թրեյդերների մուտքը։ Նրանք կկարողանան էներգիա գնել կայաններից (ընդ որում եւ տանը, եւ հարեւանների մոտ) ու վաճառել այն վերջնական բաժանորդներին երկու երկրների ցանցերի միջոցով։
Էներգետիկ առեւտրի համար իրավական հիմք է պատրաստում հայ- վրացական աշխատախումբը, որի կազմում են էներգահամակարգի օպերատորների, շուկան կանոնակարգողների, երկու երկրների իրավասու նախարարությունների ներկայացուցիչները։
Աշխատանքը ուզում են ավարտել մինչեւ այն ժամանակը, երբ Հայաստանից պատրաստ կլինի էլեկտրամատակարարման նշված գիծը դեպի Վրաստան (մինչեւ 2018-ի վերջ) ու դեպի Իրան (2017-ի աշնանը)։
Էլեկտրաէներգիայի վերսահմանային առեւտուրը քննարկվում է նաեւ ԵՏՄ-ում, որտեղ էլեկտրաէներգիայի ընդհանուր շուկան պետք է գործի 2019-ից։