Ռուսաստանի եւ Թուրքիայի ԱԳ նախարարներ Սերգեյ Լավրովն ու Մեւլյութ Չավուշօղլուն կիրակի հանդիպման ընթացքում քննարկել են Սիրիայում լարվածության թուլացման գոտիների ստեղծումն ու այդ երկրում հրադադարի ռեժիմը։ Այս մասին հաղորդում է Ռուսաստանի ԱԳ նախարարությունը։
«Նախարարներն առարկայնորեն քննարկել են իրադրությունը Սիրիայում, նաեւ՝ այդ երկրում լարվածության թուլացման գոտիներ ստեղծելու հուշագրի, հրադադարի ռեժիմի ամրապնդման եւ քաղաքական կարգավորման գործընթացին օժանդակելու համատեքստում։ Քննարկվել են ռուս-թուրքական հարաբերությունների առանձին հարցեր»,-ասվում է հաղորդագրությունում։