Կատարն ու Թուրքիան համատեղ զորավարժություններ են անցկացնում՝ դրանով հանդերձ ռազմավարական դաշինքը ցույց տալով՝ ի հեճուկս Կատարն արգելափակած արաբ հարեւանների։ Այս մասին գրում է կատարական «Ալ Շարք» պարբերականը։
Պարբերականը նշում է, որ զորավարժություններն ուղղված են Կատարի զինված ուժերին նախապատրաստելու «կենսական կարեւորություն ունեցող տնտեսական, ռազմավարական եւ ենթակառուցվածքային օբյեկտեների պաշտպանությանը»։
Սաուդյան Արաբիան, ԱՄԷ-ն, Բահրեյնն ու Եգիպտոսը Կատարի հետ խզել են դիվանագիտական հարաբերությունները՝ նրան մեղադրելով ահաբեկչությանն աջակցելու մեջ։ Դոհան հերքում է մեղադրանքները։