Շամշադինում մեղրի եւ հատապտուղների փառատոնը, որը տեղի կունենա օգոստոսի 12-13-ը Տավուշի մարզի Բերդ քաղաքում, տվյալ տարածաշրջանում զբոսաշրջության զարգացման հնարավորություններ է ստեղծում։ Այս մասին օգոստոսի 9-ին լրագրողների հետ հանդիպման ժամանակ հայտարարեց ՀՀ տնտեսական զարգացման եւ ներդրումների նախարարության զբոսաշրջության զարգացման կոմիտեի նախագահի առաջին տեղակալ Մեխակ Ապրեսյանը։
Ապրեսյանը նշեց նաեւ, որ նմանատիպ փառատոնները թույլ են տալիս ավելի հասանելի դարձնել այդ շրջանների ավանդույթներն ու մշակութային ժառանգությունը։ «Հայաստանի կառավարությունը հետաքրքրված է սահմանամերձ գոտիներում զբոսաշրջության զարգացման հարցում եւ այդ հանձնարարությունն իրագործելու համար ամեն օր աշխատանքներ են տարվում»,-հավաստեց պաշտոնյան։
