Ճապոնական գերճշգրիտ մեքենաշինության ընկերությունը նախագծել է սփիներ, որը կարող է մյուս մոդելներից երկար պտտվել։
2017-ի ամենապոպուլյար խաղալիքի՝ սփիների պտտվելու ժամանակը սովորաբար չի գերազանցում մի քանի րոպեն։
«Ֆրանս փրեսը» հայտնում է, որ սփիներների աշխարհի «ռոլս- ռոյսի» ստեղծման համար NSK ընկերությունն օգտագործել է տիեզարական արբանյակների համար մշակված առանցքակալներ։ Տոկիոյում փորձարկման ժամանակ այդ մոդելը, որը ստացել է Saturn Spinner անվանումը, 13․5 րոպե անընդմեջ պտտվել է։
«Մենք վստահ ենք, որ մեր արտադրանքն ամենաերկարն է պտտվում»,- հայտնել է ընկերության ղեկավար Տոսիկաձու Իսիին։
Ակնկալվում է, որ այդ գերտեխնոլոգիական խաղալիքի շուկայական գինը կգերազանցի 157 դոլարը։