Հայաստանի ֆերմերներին նորովի խորհրդատվություն կտրամադրեն։ Այս մասին օգոստոսի 11-ին լրագրողների հետ զրույցում ասաց Հայաստանի գյուղատնտեսության զարգացման հիմնադրամի գործադիր տնօրեն Գեղամ Գեւորգյանը։
«Խորհրդատվությունները մենք կօպտիմալացնենք։ Եթե նախկինում մեր միեւնույն մասնագետները խորհրդատվություններ են կազմակերպել տարբեր գյուղերում, այժմ նրանք խմբերով կաշխատեն։ Օրինակ՝ եթե նրանք կաղամբ են ցանում կամ խնամում են ծիրանենիները, ավելի լավ է 50 մարդու հավաքել, քան առանձին-առանձին յուրաքանչյուրի մոտ գնալ։ Այդպես մենք միջոցներ կտնտեսենք»,- ասաց պաշտոնյան։
Խորհրդատվություններ կանցկացվեն նախկինի պես ոչ միայն մշակաբույսերի մշակման, այլեւ շուկայական իրավիճակի հետ կապված։
